Showing all 7 resultsSorted by latest
-
1,250.00 EGP“كل سنة وانت طيب والسنة اللي جاية تبقى على عرفات”
” – حرما
*جمعا”
كل سنة وطول السنة بندعي لنفسنا ولبعض نكون في الحرم ومع الحجاج، اعتبر اللعبة دي بشرى والسنة اللي جاية نكون على عرفات جمعا إن شاء الله ويا دوب نحضر نفسنا احنا والأولاد للحج السنة اللي جاية
دي لعبة بسيطة بتشرح مناسك الحج بالتفصيل لينا احنا الكبار قبل الصغيرين، لوح خشبي فيه مناسك الحج في شكل قريب من البازل مرفق معاه شرح للصغيرين وكروت إرشادية للمشرف عليهم من البالغين (الأهل/المعلمين)، معاها كمان ملابس إحرام من قطعتين وكيس جمرات ومجسمات تعليمية لمناسك الحج وكيس لحفظ المحتويات
رحلة الحج هي رحلة أكيد لا يمكن تعيشها إلا في مكانها وزمانها، لكن دي لعبة تعليمية بتدينا احنا وأطفالنا فكرة بسيطة عن تفاصيلها لحد ما نروح
-
425.00 EGPكنت عصفور أكلوني، عملت أسد صاحبوني
الله يحميكي من الميكانيكي
عربيات النقل من ألواح ودسر بقت جاهزة أخيرا، زي ما قلنا لكم إننا حاولنا كتير نخلي العربيات شبهنا والحقيقة كان نفسنا جدا نقتبس من الجمل الموجودة فعلا على عربيات النقل في كل حتة وعلى طرق السفر، لكن لأسباب كتير اكتفينا بحفر بسيط على الجانبين بيحاكي الاستيكرات الموجودة على العربيات، العربية معمولة من قطعة واحدة من خشب الزان الألماني زي كتير من منتجاتنا مع تركيب عجلات من الزان بردو، بعد التجربة لقينا الأطفال بيتعاملوا مع صندوق العربية كل واحد بطريقته وبيفكروا إزاي يثبتوا الحمولة عليه بأحسن طريقة فحبينا نحافظ على بساطة العربية ونسيبلهم موضوع الحمولة دة يتصرفوا فيه، بكدة بينضم أسطول من العربيات النقل لمجموعة ألعاب التظاهر من ألواح ودسر علشان يشاركوا في قصص ويكونوا جزء من احتمالات ملهاش حدود!
-
940.00 EGPزمان لما كنا صغيرين كانت أمتع رحلة لينا إننا نروح البلد عند أهلنا، أو نروح المزرعة ونعيش تجربة جديدة كلها مغامرات لمكان مفيهوش عربيات ولا دوشة ونشوف بنفسنا البيئة الجميلة الـ بيعيش فيها الحيوانات، صوت الديوك المستمر و نهيق الحمار..ومؤكد حد مننا كان نفسه ياخد معاه معزة وهو مروح، ما هو بكار عايش مع رشيدة أهو وزي الفل 😅
وغيرنا كان بيشتري كتاكيت وهو راجع من المدرسة وحظه بيبقى حلو لو وصلوا لمرحلة الفراخ أو الديوك 🐣
التجربة دى مؤكد لا تُنسى عند الجميع وكل واحد فينا عنده قصصه ومغامراته الخاصة
الأطفال بتحب الحيوانات بكل أشكالها وبيسعدهم جدًا يكونوا جزء من عالم اللعب الخاص بيهم، يحطوا لهم الأكل وياخدوا البيض ويبيعوا اللبن 😅 ويسرحوا بخيالهم لأبعد مدى..
ودا بالظبط الـ نفسنا نوفرهولهم لأنه بيساعد على تنمية مهاراتهم ويربي جواهم شخص سوي ورحيم مش مؤذي
أخيرًا وبعد طول انتظار.. 🥳🎉
أهلاً بيكم في مزرعتنا المتواضعة 🤗
حيوانات المزرعة المصرية، الخروف والحمار والجاموسة والحصان والفرخة والبطة
حيواناتنا الخشبية مصنوعة من خشب الزان الألماني بتفاصيل وألوان بسيطة لتشتيت أقل ومساحة أوسع للخيال والتفاعل، بالإضافة لبعض التفاصيل المحفورة لملمس أغنى..
شجعوا أطفالكم يقتنوا ألعاب بسيطة بدون بطاريات تسيبلهم مساحة يتحركوا أكتر ويصدروا الأصوات أو يقلدوا الحيوانات بنفسهم بدل ما يكتفوا بكونهم متفرجين فقط..
-
360.00 EGP – 400.00 EGPمين فينا وهو صغير مكانش شايف نفسه بطل الأبطال والمغامر الهُمام الـ هيحارب الشر في العالم ويخوض المعارك وينقذ الأبرياء! 🦸♂️
وطبعاً عشان مينفعش يبقى فيه بطل من غير سلاحه⚔️ كنا بنستعين وقتها بـ أي حاجة تيجي تحت أيدينا 😅 شماعة من الدولاب أو عصاية مقشة🧹 أو معلقة خشب 👌🏼
حُب البطولة بيجري في دمنا من واحنا أطفال.. وده كان بيظهر في أبسط سلوكياتنا حتى لو هنحط شوية لبن لقطة أو هنبعد طوبة عن الطريق..
ألواح ودسر قررت تساعد أبطالنا الصغيرين إنهم يعيشوا بطولاتهم من غير ما يلجأوا لعصاية المقشة ولا للمعلقة أم إيد طويلة.. ✌🏻
سيف الأبطال الخشبي هيقوم بالمهمة دي بكفاءة وهيبقى من النهاردة صديقهم الأول في محاربة الشر والانتصار للعدالة ⚖️
السيف كمان ممكن ييجي محفور عليه اسم صاحبه عشان يحس بالفخر والتميز 🌟😎
-
875.00 EGPياترى أولادنا ممكن يشدّوا الرحال لغابة حقيقة يوم من الأيام؟
يستكشفوا الأدغال بروح المغامرة، يتجوّلوا بين الأشجار المُعمِّرة لمئات السنين ويتتبعوا حياة الحيوانات في منشأها الطبيعي المثير المليء بالأسرار.
ليه لأ؟ جـــايز يحبوا ده ويقدروا يقرّبوا منـه!
خلونا نشجعهم يبدأوا رحلة استكشاف الغابة من غرفتهم في البيت، رحلة شبه يومية عشان يعرفوا أكتر عن الحيوانات والطبيعة ويسمعوا قصص عنهم وعن مغامراتهم، ويتعلموا من محاكاة حياة الحيوانات في الغابة.
مجموعة مجسمات الحيوانات الخشبية الملونة Waldorf wooden animal figures set، عبارة عن لعبة درامية بتفتح عالم واسع من الخيال للاندماج في عالم حيوانات الغابة وعيش مغامرات معاهم من نوع مختلف عن طريق اللعب بالمجسمات وحكي القصص حولهم، تنمي خيال أطفالنا وتبسطهم. ^_^
يمكن احنا مش عايشين قريب من الغابات، لكن يمكن لو إنها آمنة كفاية نحب نزورها ونستكشف عالمها المليئ بالمغامرات والقوة والحيوية والجمال الربّاني، الخيال واللعب كفيل إنه يعلّمنا كتير عنهم ويعرّفنا بيهم ويكشف لنا من أسرارهم!
اقتنوا مجموعة مجسمات الحيوانات لأطفالكم دلوقتي
-
2,400.00 EGP(يا سلااام لو البيت اللي بيحتوينا يحقق أحلامنا ونعيش فيه المغامرات اللي نفسنا نعيشها!)
لو طفلتنا نفسها تصبح أميرة مملكة أو مهندسة بتصمم جسور!
أو يكون ابننا فنان أو مخترع عبقري؟
جايز يكون… لو وفرنا لهم البيئة المناسبة اللي تتكوّن فيها أحلامهم وطموحاتهم للحياة
خيمتنا المُصممة بحُب وإتقان بأيدي
ألواح ودُسُر AlwahWDusur
وبالتعاون مع
بتساعد الصغار على اكتشاف عالمهم الخاص، عشان يفاجئونا باللي وصل له خيالهم ونعيش معاهم أجواء المرح والمغامرة والأحلام.
الخيمة الخشبية بتوفر لأطفالنا مكان خاص أشبه بالبيت اللي يقدروا يحسوا فيه بالخصوصية أكتر، فتكون بيئة مناسبة لنضوج خيالهم وأفكارهم المبدعة، وتحفّـزهم على القراءة أو الاستمتاع بحكي الحواديت مع إخواتهم وأصحابهم، فتساعدهم على اللعب التخيلي Imaginative play وتستحمل مغامراتهم الشقية الصبح وحكاويهم وقت السَمَـر!
-
425.00 EGP – 465.00 EGPطفلك بيقلّدك عاوز يستخدم الأجهزة المنزلية ويسحب كل حاجة على فِيَش الكهربا؟ 😊
عملنالهم مكواة من الخشب الطبيعي شبه الحقيقية مش بتلسع ولا بتكهرب، لكن معاها الفيشة والبريزة بتاعتها بحيث يقدر يلزقها على الحيط ويعيش التجربة كاملة
وموجود أخرام البخار وكأنه بيرش مايه على الهدوم 😅
طفلك (إذا كان ولد أو بنت) هيتعلّم بالتدريج يعني إيه كوي، ويتعوّد على مسكة المكواة ووزنها، ودي خطوة ممكن تدمجوه بيها للمساعدة في شغل البيت ويبقى عنده طولة نفَس عشان مش أي حد يصبر عالمكواة.
