• Camel Money Box

    950.00 EGP – 980.00 EGP

    الفلوس واحدة من الحاجات اللي بنبني علاقتنا بيها من صغرنا وبتكمّل معانا طول حياتنا…

    بنحتاج نعلّم أطفالنا إزاي تكون علاقتهم بيها صحيّة وموزونة.

    و(الادخار) تمرين مفيد جداً لتدريبهم على بناء العلاقة دي، ويتعلموا التوازن بين الادخار والإنفاق، ويفرّقوا بين الإدخار والاكتناز!

    ونفهمهم إن كل مبلغ بيدخروه، بيساعدهم يحصلوا على الحاجات اللي محتاجينها أو بيحبوها، بعد شوية انتظار وصبر!

    مين فينا مكانش عنده حصالة وهو صغير؟ أهالينا كانوا حريصين يعلمونا من خلالها إزاي نعتمد على نفسنا لما نجيب الحاجات اللي عاوزينها من مجهودنا في التحويش.

    تصميمنا للحصالة الخشبية على شكل الجمل العربي (ناقة الصحراء) هو رمز أصيل من ثقافتنا بيعبّر عن حكمته وقوة تحمُّله لادّخار الطعام والمياه في سنامه لوقت الحاجة، ويتسفيد بيهم بقدر معقول وقت ندرة الموارد.

    يقدر الطفل يلعب بحصّالتنا الجمل بأشكال مختلفة ويحكي قصص حواليها، في نفس الوقت اللي بيتعلم من خلالها عن الوقت والمال والمستقبل والادخار والإنفاق والكسب والشراء والبيع ومعاني كتيرة بتشكّل جزء حيوي في حياتنا.

    Select optionsDone This product has multiple variants. The options may be chosen on the product page

  • Swing balance board

    1,300.00 EGP – 1,540.00 EGP

    أطفالنا مش بيبقوا عاوزين يجهدونا بمشاغباتهم اليومية… هم حابين يخوضوا تحديات جديدة كل يوم تحسسهم بوجودهم ويكتشفوا فيها قدراتهم! 👽

    واحنا مش موفرين لهم شجرة في البيت يتسلّقوها، ولا جَبل صغير كده يخرّجوا فيه طاقتهم ويتغلبوا على مخاوفهم فوقيه. 😁

    لكن دلوقتي هنقدر نشغل وقتهم ونستثمر طاقتهم جوه البيت بألعاب وتمارين مفيدة…

    مرجيحة لوح الاتزان swing balance board لعبتين في لعبة واحدة مصممة ومصنوعة من خامات الطبيعة عشان تساعد الأطفال يخرّجوا كل طاقتهم بأشكال متنوعة، بإنهم ينطلقوا في الهواء فوق المرجيحة، ويتنططوا ويتزحلقوا فوق سطح لوح الاتزان المقوس، اللي هيمرّن أجسامهم على الحركة ويخليها مرنة أكثر. 🤸‍♀️

    مرجيحة لوح الاتزان هتنمى عند أطفالنا مهاراتهم الحركية والاجتماعية، وكمان اقتصادية لإنها هتوفر لكم ثمن لعبتين في لعبة واحدة. 🎠 🛹

    أطفالنا هيتبسطوا جداً إن عندهم لعبة متعددة الأغراض ومتجددة باستمرار يقدروا يبتكروا طرق لعب جديدة بيها كل يوم، ويستمتعوا بيها في أوقات اللعب أو الراحة.

    اطلبوها دلوقتي من الموقع، وشاركوها لو عجبتكم!

    ده غير الشعور بالمتعة والانبساط من الطيران راااايح جااي في الهواء والشقلبظات والتنطيط والزحلقة وتمارين الاتزان. 🎢

    Select optionsDone This product has multiple variants. The options may be chosen on the product page

  • Wooden forest animals toy set

    875.00 EGP

    ياترى أولادنا ممكن يشدّوا الرحال لغابة حقيقة يوم من الأيام؟ 

    يستكشفوا الأدغال بروح المغامرة، يتجوّلوا بين الأشجار المُعمِّرة لمئات السنين ويتتبعوا حياة الحيوانات في منشأها الطبيعي المثير المليء بالأسرار. 

    ليه لأ؟ جـــايز يحبوا ده ويقدروا يقرّبوا منـه!

    خلونا نشجعهم يبدأوا رحلة استكشاف الغابة من غرفتهم في البيت، رحلة شبه يومية عشان يعرفوا أكتر عن الحيوانات والطبيعة ويسمعوا قصص عنهم وعن مغامراتهم، ويتعلموا من محاكاة حياة الحيوانات في الغابة.

    مجموعة مجسمات الحيوانات الخشبية الملونة Waldorf wooden animal figures set، عبارة عن لعبة درامية بتفتح عالم واسع من الخيال للاندماج في عالم حيوانات الغابة وعيش مغامرات معاهم من نوع مختلف عن طريق اللعب بالمجسمات وحكي القصص حولهم، تنمي خيال أطفالنا وتبسطهم. ^_^

    يمكن احنا مش عايشين قريب من الغابات، لكن يمكن لو إنها آمنة كفاية نحب نزورها ونستكشف عالمها المليئ بالمغامرات والقوة والحيوية والجمال الربّاني، الخيال واللعب كفيل إنه يعلّمنا كتير عنهم ويعرّفنا بيهم ويكشف لنا من أسرارهم!

    اقتنوا مجموعة مجسمات الحيوانات لأطفالكم دلوقتي

    Read moreDone

  • Curvy stacking blocks (12 pieces | Rainbow)

    1,300.00 EGP – 1,640.00 EGP
    مش لازم نبني بمكعبات الطوب المستطيلة عشان نطلّع نفس أشكال البيوت والجسور.
    الاختلاف اللي بيميّز مكعبات البناء المقوسة بيمد مساحات أوسع في خيال أطفالنا عشان يبنوا مستقبل مختلف… بمدن وبيوت ومباني مميزة عن كل حاجة شفناها في حياتنا، وينهمكوا في تكوين أي شكل أو فكرة تطرأ على بالهم بشكل غير مثالي وبدون حدود.
    مع كل شكله هيبنيه، هيتبني جواه ثقة إنه يقدر يعمل حاجة مختلفة ومميزة بنفسه! 😊
    Select optionsDone This product has multiple variants. The options may be chosen on the product page

  • Tepee play tent

    2,400.00 EGP
    (يا سلااام لو البيت اللي بيحتوينا يحقق أحلامنا ونعيش فيه المغامرات اللي نفسنا نعيشها!)
    لو طفلتنا نفسها تصبح أميرة مملكة أو مهندسة بتصمم جسور!
    أو يكون ابننا فنان أو مخترع عبقري؟
    جايز يكون… لو وفرنا لهم البيئة المناسبة اللي تتكوّن فيها أحلامهم وطموحاتهم للحياة 😊

    خيمتنا المُصممة بحُب وإتقان بأيدي

    ألواح ودُسُر AlwahWDusur

    وبالتعاون مع

    شَدَّة Shaddah
    بتساعد الصغار على اكتشاف عالمهم الخاص، عشان يفاجئونا باللي وصل له خيالهم ونعيش معاهم أجواء المرح والمغامرة والأحلام.
    الخيمة الخشبية بتوفر لأطفالنا مكان خاص أشبه بالبيت اللي يقدروا يحسوا فيه بالخصوصية أكتر، فتكون بيئة مناسبة لنضوج خيالهم وأفكارهم المبدعة، وتحفّـزهم على القراءة أو الاستمتاع بحكي الحواديت مع إخواتهم وأصحابهم، فتساعدهم على اللعب التخيلي Imaginative play وتستحمل مغامراتهم الشقية الصبح وحكاويهم وقت السَمَـر!
    Select optionsDone This product has multiple variants. The options may be chosen on the product page
  • curvy-balance-bpard-wooden-compactor-firetruck-child-kid-play-open-ended

    Curvy balance board (Transparent)

    940.00 EGP – 980.00 EGP
    بقالك كـتـيــــر ما لعـبـتـش؟
    اللعبة دي للكبار والصغيرين 😊
    لوح الاتزان المقوّس (curvy balancing board) أحد ألعاب “والدروف” للتمرين على توازن الجسم، والتشجيع على اللعب بلا نهايات محددة open-ended play
    مش مرتبط بسن معين، حتى الكبار يقدروا يلعبوا بيه، لأننا اختبرناه على وزن 300 كجم!
    اللعبة بتساعد على تطوير حس الاتزان عند الطفل الدارج، ذهنيا وجسديا… بساطة وتقويسة اللوح بتشجع على الإبداع والتخيل عند الأطفال، وبتوفر مساحة لابتكار طرق لعب لا حصر لها، للأطفال بمختلف أعمارهم وللبالغين، للعب الفردي والجماعي
    ممكن الطفل يعمله مرجيحة أو زحليقة، نفق أو جسر أو أي حاجة تانية ممكن يتخيلها
    اللعب بلوح التوازن ممتع وبيساعد على الاسترخاء للكبار كمان، غير إنك ممكن تلعب عليه تمارين رياضية بسيطة في نفس الوقت اللي هتكون بتستجم فيه وبتفصل عن اللي حواليك 😌
    Select optionsDone This product has multiple variants. The options may be chosen on the product page

  • Iron

    380.00 EGP – 410.00 EGP
    طفلك بيقلّدك عاوز يستخدم الأجهزة المنزلية ويسحب كل حاجة على فِيَش الكهربا؟ 😊
    عملنالهم مكواة من الخشب الطبيعي شبه الحقيقية مش بتلسع ولا بتكهرب، لكن معاها الفيشة والبريزة بتاعتها بحيث يقدر يلزقها على الحيط ويعيش التجربة كاملة
    وموجود أخرام البخار وكأنه بيرش مايه على الهدوم 😅
    طفلك (إذا كان ولد أو بنت) هيتعلّم بالتدريج يعني إيه كوي، ويتعوّد على مسكة المكواة ووزنها، ودي خطوة ممكن تدمجوه بيها للمساعدة في شغل البيت ويبقى عنده طولة نفَس عشان مش أي حد يصبر عالمكواة.
    Select optionsDone This product has multiple variants. The options may be chosen on the product page

  • Flower press

    200.00 EGP – 230.00 EGP
    التعبير عن نفسنا مش بس بالكلام المنطوق أو الكتابة!
    أحد أشكال التعبير المهمة والمعجزة أحياناً لما نقدر ننقل رؤيتنا أو أفكار معينة في صورة، في مشهد جميل ومبدع.
    ومش لازم أكون رسّام أو مصوّر محترف عشان أعبّر عن رؤيتي!
    لما وصفوا مشهد الربيع وقالوا “شوف الزهور واتعلّم”، صدقوا… 🌸
    لأن في اختلاف أشكالها وألوانها وعطرها وتفاصيل أنسجتها كتير من الأسرار اللي تشبهنا وبتعبّر عن بعض اللي جوانا.
    ضاغط أو مجفف الزهور والنباتات الخشبي flower press هي أداة التعبير اللي بنستخدمها (أو هيستخدمها أطفالنا) بعد ما بنجمع الورود وأوراق النباتات اللي بنحبها، ونضغطهم بين أخشابه لفترة من 3 إلى 4 أسابيع لحد ما تجف تماماً وتخرج لنا الزهور والأوراق بشكل جديد ومبهج، بعد ما احتفظت بعصارتها وسرّها جواها 🍁
    عشان نصنع منها لوحات فنية في البيت أو بطاقات إهداء أو تغليف للهدايا وتزيينها بشكل جميل ومبدع 😉
    وتوفير الكثير من المال مقابل اللمسات الإبداعية اللي هتصنعوها بأيديكم! 🙌
    باستخدام القطعة الخشبية البسيطة دي هتسمحوا لأطفالكم يمروا بتجربة جديدة ومميزة لعمل جولة جمع الزهور من الطبيعة بحرص 🍃، وبعدين انتظار -بفارغ الصبر اللي الأطفال محتاجين يتعلموه 😁– لحد ما البتلات والأوراق تجف، وابتكار تصاميم وتنفيذ أشكال مبدعة من بنات أفكارهم تعبّر عن شخصياتهم بأشكال لا حدود لها!
    كمان بتوفر فرصة عملية للتفاعل مع الطبيعة وتعليم الأطفال عن النباتات بأسمائها وأشكالها وألوانها ومراحل ومواسم نموها على مدار العام، وتشجيع خيالهم للاستفادة من النباتات والأوراق في التزيين وإضفاء لمسات جمالية على مقتنياتنا وإهداءاتنا للآخرين، من إمكانيات بسيطة.
    احتفظوا بالجمال والبهجة قصاد عيونكم من صنع أيادي أطفالكم 🥰
    Select optionsDone This product has multiple variants. The options may be chosen on the product page