Showing 17–22 of 22 resultsSorted by latest
-
1,300.00 EGP – 1,540.00 EGPأطفالنا مش بيبقوا عاوزين يجهدونا بمشاغباتهم اليومية… هم حابين يخوضوا تحديات جديدة كل يوم تحسسهم بوجودهم ويكتشفوا فيها قدراتهم! 👽
واحنا مش موفرين لهم شجرة في البيت يتسلّقوها، ولا جَبل صغير كده يخرّجوا فيه طاقتهم ويتغلبوا على مخاوفهم فوقيه. 😁
لكن دلوقتي هنقدر نشغل وقتهم ونستثمر طاقتهم جوه البيت بألعاب وتمارين مفيدة…
مرجيحة لوح الاتزان swing balance board لعبتين في لعبة واحدة مصممة ومصنوعة من خامات الطبيعة عشان تساعد الأطفال يخرّجوا كل طاقتهم بأشكال متنوعة، بإنهم ينطلقوا في الهواء فوق المرجيحة، ويتنططوا ويتزحلقوا فوق سطح لوح الاتزان المقوس، اللي هيمرّن أجسامهم على الحركة ويخليها مرنة أكثر. 🤸♀️
مرجيحة لوح الاتزان هتنمى عند أطفالنا مهاراتهم الحركية والاجتماعية، وكمان اقتصادية لإنها هتوفر لكم ثمن لعبتين في لعبة واحدة. 🎠 🛹
أطفالنا هيتبسطوا جداً إن عندهم لعبة متعددة الأغراض ومتجددة باستمرار يقدروا يبتكروا طرق لعب جديدة بيها كل يوم، ويستمتعوا بيها في أوقات اللعب أو الراحة.
اطلبوها دلوقتي من الموقع، وشاركوها لو عجبتكم!
ده غير الشعور بالمتعة والانبساط من الطيران راااايح جااي في الهواء والشقلبظات والتنطيط والزحلقة وتمارين الاتزان. 🎢
-
875.00 EGPياترى أولادنا ممكن يشدّوا الرحال لغابة حقيقة يوم من الأيام؟
يستكشفوا الأدغال بروح المغامرة، يتجوّلوا بين الأشجار المُعمِّرة لمئات السنين ويتتبعوا حياة الحيوانات في منشأها الطبيعي المثير المليء بالأسرار.
ليه لأ؟ جـــايز يحبوا ده ويقدروا يقرّبوا منـه!
خلونا نشجعهم يبدأوا رحلة استكشاف الغابة من غرفتهم في البيت، رحلة شبه يومية عشان يعرفوا أكتر عن الحيوانات والطبيعة ويسمعوا قصص عنهم وعن مغامراتهم، ويتعلموا من محاكاة حياة الحيوانات في الغابة.
مجموعة مجسمات الحيوانات الخشبية الملونة Waldorf wooden animal figures set، عبارة عن لعبة درامية بتفتح عالم واسع من الخيال للاندماج في عالم حيوانات الغابة وعيش مغامرات معاهم من نوع مختلف عن طريق اللعب بالمجسمات وحكي القصص حولهم، تنمي خيال أطفالنا وتبسطهم. ^_^
يمكن احنا مش عايشين قريب من الغابات، لكن يمكن لو إنها آمنة كفاية نحب نزورها ونستكشف عالمها المليئ بالمغامرات والقوة والحيوية والجمال الربّاني، الخيال واللعب كفيل إنه يعلّمنا كتير عنهم ويعرّفنا بيهم ويكشف لنا من أسرارهم!
اقتنوا مجموعة مجسمات الحيوانات لأطفالكم دلوقتي
-
2,400.00 EGP(يا سلااام لو البيت اللي بيحتوينا يحقق أحلامنا ونعيش فيه المغامرات اللي نفسنا نعيشها!)
لو طفلتنا نفسها تصبح أميرة مملكة أو مهندسة بتصمم جسور!
أو يكون ابننا فنان أو مخترع عبقري؟
جايز يكون… لو وفرنا لهم البيئة المناسبة اللي تتكوّن فيها أحلامهم وطموحاتهم للحياة
خيمتنا المُصممة بحُب وإتقان بأيدي
ألواح ودُسُر AlwahWDusur
وبالتعاون مع
بتساعد الصغار على اكتشاف عالمهم الخاص، عشان يفاجئونا باللي وصل له خيالهم ونعيش معاهم أجواء المرح والمغامرة والأحلام.
الخيمة الخشبية بتوفر لأطفالنا مكان خاص أشبه بالبيت اللي يقدروا يحسوا فيه بالخصوصية أكتر، فتكون بيئة مناسبة لنضوج خيالهم وأفكارهم المبدعة، وتحفّـزهم على القراءة أو الاستمتاع بحكي الحواديت مع إخواتهم وأصحابهم، فتساعدهم على اللعب التخيلي Imaginative play وتستحمل مغامراتهم الشقية الصبح وحكاويهم وقت السَمَـر!
-
940.00 EGP – 980.00 EGPبقالك كـتـيــــر ما لعـبـتـش؟
اللعبة دي للكبار والصغيرين 😊
لوح الاتزان المقوّس (curvy balancing board) أحد ألعاب “والدروف” للتمرين على توازن الجسم، والتشجيع على اللعب بلا نهايات محددة open-ended play
مش مرتبط بسن معين، حتى الكبار يقدروا يلعبوا بيه، لأننا اختبرناه على وزن 300 كجم!
اللعبة بتساعد على تطوير حس الاتزان عند الطفل الدارج، ذهنيا وجسديا… بساطة وتقويسة اللوح بتشجع على الإبداع والتخيل عند الأطفال، وبتوفر مساحة لابتكار طرق لعب لا حصر لها، للأطفال بمختلف أعمارهم وللبالغين، للعب الفردي والجماعي
ممكن الطفل يعمله مرجيحة أو زحليقة، نفق أو جسر أو أي حاجة تانية ممكن يتخيلها
اللعب بلوح التوازن ممتع وبيساعد على الاسترخاء للكبار كمان، غير إنك ممكن تلعب عليه تمارين رياضية بسيطة في نفس الوقت اللي هتكون بتستجم فيه وبتفصل عن اللي حواليك 😌
-
210.00 EGP – 230.00 EGPطفلك بيحب اللعب بالعربيات!
وبالذات العربيات اللي بتعمل صوت زي عربية المطافئ…
بس أنتم طبعاً مش عاوزين إزعاج السرينة! 😅
لو عملها بصوته يكون أحسن.
لعبة عربية المطافيء من الألعاب اللي يقدر طفلك يتفاعل معاها بخياله بأكتر من طريقة، بتشجعه على اللعب الحر open ended play، لأنها بعجلات متحركة، وكمان فيها أجزاء قابلة للفك والتركيب زي خزان الماية والسلِّم، عشان يعيش تجربة مجموعة الإطفاء، وممكن يفك الخزان والسلم ويتحرك بالعربية لوحدها كمان.
-
150.00 EGPمش أي حد يسفلت الطريق! 😊
مهنة سائق المعدات الثقيلة من المهن اللي بتحتاج مهارة عالية في توجيهها ودقة في تنفيذ أعمال إنشاءات وتسوية الطرق.
سفلتة الطريق بتمر بأكتر من مرحلة، من أول دكّ التربة لزيادة صلابتها، وبعدين فرد طبقة من الحصى وهرسها، وبعدها فرش الأسفلت وتسويته.
عملنا لعبة “الدكّاك” أو هرّاس التربة.
اللي بيُستخدم في المراحل الأولى لتجهيز تربة الطريق للسفلتة…
عشان نفسنا نشوف طرق مستوية من غير حُفر!
طفلك هيتخيل نفسه وهو بيخدم أهل الحي اللي ساكن فيه، أو بيجهّز طريق عمومي آلاف من الناس هيمشوا عليه، وبيشتغل حاجة مميزة مش كل الناس بتروحلها.
اللعبة هتخليه يفكر يستخدم عجلات الدكّ (الدرفيل) بتحريكها على خامات من البيئة، زي قِطَع من الصلصال أو الرمل الملون لفردها وتسويتها، عشان يستمتع بتجربة كاملة وكأنه في الحدث.
