نعرف منين اذا كنا بنتصرف مع ولادنا صح ولا غلط فى خمس نقط

(الموقف أو التصرف الـ هعمله) يكون

١- بيساعد الطفل إنه يحس بالتواصل والأهمية والانتماء

يعني الطفل يحس إن الـ قدامه حاسس بيه و بإن هو مؤثر و ليه دور في الموقف

٢- يكون مشجع وفيه احترام متبادل

يعني الطفل يحس بإنه متشجع يصلح من نفسه ومش شايف نفسه وحش وميكونش في أي إهانة للطرفين

٣-بيركز علي المدى البعيد مش وقف السلوك حالاً

يعني ناخد بعين الاعتبار مشاعر الطفل، هيتعلم إيه و هيكون شايف نفسه أو شايف أُمه ازاي

٤- بيعلمه مهارات حياتية معينة

زي الاحترام أو مراعاة المشاعر أو إدارة الغضب

٥- يساعد الطفل يحس إن عنده القدرة على العطاء

يعني يحس إنه قادر يدي وإنه شخصية قوية ومستقلة

المعلومات القيمة دي من كورس التربية الإيجابية للجميع، الـ بتقدمة أ/منة صلاح نجم برعاية مؤسسة غراس

تابعوا منشوراتنا الجاية الـ هنتكلم فيها عن أدوات التربية الإيجابية بتفاصيل أكتر.

وتقدروا تشوفوا الكورس من هنا