يا ترى مرايتك بتشوفك ازاي؟
يا ترى مرايتك بتشوفك ازاي؟
كل واحد مننا ربنا خلق جواه خلايا عصبية تشبه المرايا اسمها الـ mirror neurons
طب يا ترى بتعمل إيه؟
الخلايا دي بتساعدنا نتعاطف ونحس ببعض يعني لما الأولاد بيشوفونا متوترين بسبب زحمة الطريق ويبتدوا يزنوا ويتوتروا ويطلعوا عنينا 😫 دة بيكون نتيجة للـ شافوه أو وصلهم مننا عن طريق الخلايا دي وعلى العكس لو الـ حوالينا بيضحكوا بنلاقي إن احنا كمان عايزين نضحك ومبسوطين 😅
الخبر الحلو إن أفضل طريقة لتنشئة طفل سوي إنه يشوف الـ بيربيه بيتعامل صح!
تأثير العوامل الوراثية مش بيتعدى 25% عشان محدش يضحك علينا ويقول دا طالع لعمه أو طالعة لخالتها 😂، الحقيقة إن باقي الـ 75% بتتشكل عن طريق البيئة والخبرات الـ مر بيها الطفل وتصرفنا معاه كمربيين
يعني لو الطفل اتصرف معانا بطريقة فيها إهانة أو قله أدب، تصرفنا معاه هو الـ بيعلمه هيعمل إيه لو حد اتصرف معاه بطريقة فيها قله أدب لأن احنا ببساطة “مرايته”
وده الـ هنتعلمه مع بعض في أدوات التربية الإيجابية المرات الجاية بإذن الله 👌🏼
شكراً لمنة صلاح نجم ومؤسسة غراس علي المعلومات القيمة دي نتمني تكونوا استفدتوا منها
