الأداة الثالثة: اسئله الفضول

الخطوات: ببساطة نسأل الطفل بدل ما نقوله يعمل ايه.. وده بيديه فرصة يفكر ويختار

* الأداة دي ليها تأثير كبير في زيادة مهارات الطفل على مدار حياته كلها وكتير بتساعدنا نلاقي حلول ومنلجأش للعقاب وخلاص 

* كمان بتساعد الطفل يشغل دماغه ويفكر ويستنتج بدل ما نفضل نديله محاضرات  في ازاي حصل الـ حصل وهنعمل ايه 😅

* لأن للاسف لو مستنتجش الخطأ الـ حصل صعب قوي يتعلم منه وميكرروش فيما بعد

أمثلة:

* هتعملى إيه فى اللبن الـ وقع علي الارض؟

* هتحل المشكلة الـ بينك وبين أخوك ازاي؟

* هتاخد إيه معاك عشان لو حسيت بالبرد؟!

* واضح انك غضبان، هتعمل إيه عشان تكون أهدى

* ناوي تتصرف ازاي في الموقف ده المرة الجاية

#أفكار عشان الأداة تنجح:

*أهم حاجة منحطش سيناريو مُسبق ومنسألش واحنا مستنيين إجابة معينة

* منستخدمش الأداة إلا لو في اتجاه الحل مش اللوم

* نحاول نتمسك بالأداة حتى لو الحل مش هينفع (يعني لو قال تقعدي جنبي وانا بذاكر ودا مش متاح نسأله طب لو انا مش هقدر اعمل دا، رأيك نعمل إيه؟)

* ممكن بعد كده نستخدم اسأله الفضول في تقييم الحلول (يعني نسأله أخبار الحل بتاعك إيه؟)

* نستخدم الأداة بصدق ونستمتع بالدخول في عالم الأطفال الـ يستاهل كل الاحترام والتقدير 

* لو طفلك مش متعود علي الأداة دي نستخدمها الاول في المواقف البسيطة الـ سهل يلاقي فيها حلول

نتمني الأداة تفيدكم و تستمتعوا بانكم بتربوا مُفكر صغير وبتعلموه حاجة تساعده في حياته فيما بعد

دُمتم بخير وسلام ☺️🌷🙏🏻

تقدروا شوفو الpost  بصور أوضح من هنا