نعومة نسيج الخشب
(اتشوّكت من اللعبة!)
الأخشاب بتتصنّف وتاخد درجات في الصلابة والكثافة، عشان يتعرف ميزة كل نوع خشب ويتحدد استخداماته.
المفترض لما حد يصمم لعبة من الخشب، يفكّر في نوع الخشب الملائم ليها، على حسب عدد من العوامل (زي طريقة لعب الطفل بيها، ووزنها، وعوامل تانية…).
فناخد في اعتبارنا استخدام نوع خشب متماسك الأنسجة عشان مش بسهولة يشلّع أو يطلع منه شوك.
غير إنه مهم اللعبة تمر بأكتر من مرحلة صنفرة (آلي ويدوي) للتأكد من نعومة ملمسها وإزالة أي زوائد في نسيج الخشب…
مش بس عشان نتجنب إيذاء جسم الطفل، وإنما كمان عشان ما ينزعجش من الملمس الخشن للخشب لو أول تعامل معاه، فتقديمه في سطح ناعم بيكون أفضل خصوصا في المراحل العمرية الأولى.
وبعد الصنفرة، مهم ندخّل الخشب مرحلة طلاء بالدهانات المناسبة لحمايته وتغطية سطحه وإضفاء ملمس ناعم أكتر على اللعبة.
