قصة لعبة: (سيارة الإطفاء والإنقاذ Firetruck)!
تصميمنا لعربية المطافي هو تصميم مفتوح المصدر ونفذناه، بعد اختبارنا لها عدّلنا في التصميم شوية خصائص بحيث يكون آمن أكتر وسهل اللعب بيها أكتر.
اختارنا نبدأ بيها لكون الأطفال بيحبوا اللعب بالعربيات والحاجات اللي بتتحرك، بالإضافة لإن فيها أجزاء للفك والتركيب بيسمحلهم يكتشفوا طرق لعب أكتر بيها، وده عامل جيد لتحفيز خيالهم، غير إن اللعب بعربية مطافي فيه إحساس عالي بالمغامرة!
من التعديلات اللي عملناها على التصميم هو تقليل عدد القطع الخشبية الصغيرة القابلة للفك والتركيب لتقليل مخاطر إنها تتخلع وتضر أطفالنا، كمان خلينا عدد العجلات 4 بدل 6 علشان الحركة تكون سلسة أكتر في العجلات الخشبية.
لوننا العربية في الأول بألوان وصبغات الطعام، ووصلتنا تعليقات إن الألوان مش مبهجة أوي للأطفال؛ فاستخدمنا ألوان جاهزة صحية وآمنة للطفل ومعتمدة من The Art and Creative Materials Institute، وأضفنا طبقتين أخيرتين من خامات طبيعية آمنة تأكيد لحماية الطفل واللعبة.
