أداة الاختيارات المحددة

الخطوات ببساطة:

1. ادي لطفلك اختيارين محددين

(تحب نروح النادي ولا نروح لتيتا؟)

2. لو طفلك طلب حاجة تالتة قول له بعطف (تعريف مشاعر) وبحزم (هدوء و ثبات) للأسف دا مش من ضمن الاختيارات

3. ممكن تشجعة بعد كدة و تقول له ها (إيه قرارك؟ ، إيه الأفضل بالنسبالك، أنا مستنيك.. وبس كدة)

* الأداة دي بتحسس الطفل انه بيملك قرارات كتير في حياته، ودة بيعلمه مهارات التفكير، وبيحسسه بالأهمية والانتماء والاحترام المتبادل، وبيقلل كتير من العند

* زي مثلاً: تحب تلبس التيشرت ده ولا دة؟ (في أسلم الظروف 😅)

* أو وقت الجَد زي إن مثلاً وقت النوم جه وبنتي مش عايزة تنام(هعمل تعريف للمشاعر) واقول: أنا عارفة إنك مش عايزة تنامي ونفسك تلعبي أكتر تحبي احكيلك حدوتة ولا ٢ (اختيارات محددة)

-لا يا ماما أنا عايزة ألعب 😢

=أنا فاهمه والله يا حبيبتي وحاسة بيكي بس للأسف دا مش من ضمن الاختيارات

* أنا لاحظت إن فلان زعل قوي لما ضربته، تحب تقوله أنا آسف ولا تطبطب عليه؟!

* مهم قوي منتحيزش لاختيار أكتر من التاني، يعني منقولش “هتختار التيشيرت التحفة دة ولا التاني 😅

ربنا يعينكم جميعاً علي تربية أطفالكم ☺️ دُمتم بخير وسلام 🌷🙏🏻

تقدروا تشوفوا  المنشور الأصلي بصور أوضح من هنا