أداة تعريف المشاعر

كان عندك قد إيه لما عرفت إن من حقك تحس بأي مشاعر انت حاسسها وإن الغضب والخوف أو الحزن مشاعر طبيعية جداً مر بيها معظم الأنبياء والرسل.

هنتكلم النهاردة عن أول أداة من أدوات التربية الإيجابية وهي تعريف المشاعر (التعاطف) أو validate feelings

خطوات الأداة ببساطة

* سيب طفلك يحس بمشاعره عشان يعرف يتعامل معاها بعد كده

* متصلحش أو تبرر أو تحاول توقف مشاعر طفلك

* عرف مشاعر الطفل: إيه دا انت حاسس (بالخوف، الزعل، الغيرة،..) انت عارف.. أنا لو كنت مكانك هحس بكده برضو..

* اظهر ثقتك في انه هيلاقي حل (أنا واثق إنك هتلاقي حل يطمنك، يهديك، يريحك)..

 *ساعات احنا الكبار بنحارب المشاعر ومش بنعترف بيها وده بيأثر علينا بالسلب وبيخلينا نحس بالهشاشة

*المشاعر مدام حسينا بيها يبقي هي حقنا حتى لو الناس شافت إن الحاجة مش مستاهلة زعل

*أهمية الأداة دي اننا بنفهم الطفل إن مشاعره ملكه هو وبس ومش في أيد الناس الـ حواليه ولا مسؤليتهم أودورهم إنهم ينقذوه أو ينتشلوه من الشعور دة، يعني لما الطفل بيزعل عشان لعبته اتكسرت بعرف مشاعرة بالغضب أو الحزن و بقولو إني حاسه بيه وواثقة انه هيلاقي حل يخفف بيه عن نفسه (لكن مش بجيبلو لعبة غير الـ اتكسرت)

لو استعملتوا الطريقة دي مع أطفالكم شاركونا بالنتيجة في التعليقات

وتقدروا تشوفوا المنشور الأصلي بصور أوضح من هنا

دُمتم بخير وسلام ☺️🌷🙏🏻