اللعبة هتعيش مع طفلي قد إيه؟”

أحد معايير الآباء عند شرائهم ألعاب لأطفالهم، هو قوة احتمال اللعبة وعمرها الافتراضي

ولما تبقى متأكد إن مكونات اللعبة متينة، هتقدر تجيبها وأنت مطمئن إنها هتقعد مع طفلك وقت طويل بحالة جيدة.

من أبرز مميزات الألعاب الخشبية (خصوصًا المصنوعة من أخشاب طبيعية) هي المتانة والصلابة اللي بيتحمّلوا المعاملة القاسية وبيحافظوا إن اللعبة تفضل وقت أطول مع طفلك ممكن يمتد لسنوات، وحتى تمريرها من جيل لجيل بدون قلق إنها تبوظ أو تقدم، وممكن حتى إعادة بيعها أو التبرع بيها في أي وقت.

متانة الخشب معتمدة على عوامل كتير من أهمها “الكثافة” و”الرطوبة”، فاختيارنا لأنواع أخشاب قيّمة، مجففة كويس وكثافتها عالية، بيحقق للعبة درجة متانة عالية.

الميزة التربوية كمان في كون اللعبة من خامة طبيعية زي الخشب وفي نفس الوقت صلبة ومتينة ووزنها أتقل نسبياً من الألعاب البلاستيكية والقطنية، هي إنها تساعد الطفل (خصوصًا في المراحل العمرية الأولى) على بذل مزيد من الطاقة في اللعب والتعلُّم، وتعزّز مهاراته الحركية الدقيقة، زي براعة استخدام الأصابع، ومرونة المعصم، لأنه بيحتاج قوة أعلى لتحريكها من غالبية الألعاب المصنوعة من خامات تانية، يعني بتخليه ينشف شوية.